Studentar vil effektivisere arbeidet til journalister med ny app

Camilla Gudmundsen Høiland, Oda Elise Nordberg og Ingvild Fiskerstrand har saman utvikla UPLY. Applikasjonen hentar ut informasjon frå ulike kjelder og framvisar dei i ein feed som kan bli sortert i kategoriar. Prototypen består av data som studentane manuelt har lagt inn. Applikasjonen er utvikla for journalistar i lokalaviser, men kan i utgangspunktet brukast av alle typar journalistar.
– UPLY er ein nyheitsstrøm for journalistar som samlar innhald frå sosiale medium, nettaviser, pressemeldingar og tips-mail. Applikasjonen skal bidra til å gjere det enkelt for journalistar å finne spennande saker på mobilen, lagre dei, for så å enkelt finne tilbake til saka på datamaskinen, fortel Camilla.

Snakka med journalister for å kartlegge behov

UPLY er eit studentprosjekt som blei utvikla da studentane skreiv bacheloroppgåve i Nye medier ved Universitetet i Bergen, og hadde praksisplass i M’Labs.

– I byrjinga brukte vi ein del tid på å kartlegge journalistane sitt behov og korleis vi kunne dekke det behovet best mogleg, seier Oda.

Studentane kom tidlig i kontakt med journalistar og snakka med dei om kvar dei får informasjonen sin frå og kva slags plattformer dei brukar i arbeidet sitt. – Ved å snakke med journalistar så vi at det var behov for å gjere informasjonsinnsamlinga deira enklare, fortel Ingvild.

Fakta om UPLY

UPLY er ein prototype som skal effektivisere arbeidskvardagen til journalistar.

Applikasjonen er utvikla av studentar frå Nye medier, Universitetet i Bergen.

Prosjektet er tilknytt INJECT Noreg, som er kreativ støtte for journalistikk.

Samarbeidspartnarar i INJECT Noreg er Universitetet i Bergen, Høgskulen i Volda, M’Labs og lokalavisene Hordaland, Sunnhordland og Hallingdølen.

INJECT er eit EU-prosjekt som utviklar kreative verktøy for journalistar.

Vil satse på UPLY

Studentane som blei ferdig med ein bachelorgrad i Nye medier våren 2017, håpar no at UPLY blir utvikla vidare. Dei fortel at UPLY har blitt presentert for resten av INJECT-teamet, og at responsen har vært positiv. Om dei hadde fått oppgåva sjølve å utvikle UPLY vidare ville dei jobba for å nå det målet.

–  Eg ser for meg at UPLY hadde passa inn i INJECT-pakken, sidan UPLY samlar all informasjon ein kunne trenge for å lage sakar, mens JUICE hentar ut relevant informasjon som ein leitar seg fram til, seier Ingvild. Ho trur det ville vært mogleg å koble UPLY opp mot databasane til INJECT.
– Akkurat no brukar INJECT mykje tid på å ferdigstille nokre andre verktøy i INJECT-pakken, men etterkvart vil dei truleg begynne å utforske UPLY og potensiale det har, avsluttar ho.